Dewisiadau

Dysgu

Nod y sesiwn hon yw i blant:

• enwi detholiad o wahanol fwydydd;
• mynegi barn am wahanol fwydydd;
• egluro fod gwahanol bobl yn aml yn hoffi bwyta bwyd gwahanol.

Fe fyddwch chi angen

• Cardiau lluniau bwyd
• Fy llyfr bwyd
• Torri a gludo bwydydd
• Siswrn
• Glud
• Pensiliau lliwio

Gwrando ac ymateb

Siarad am fwyta ac yfed. Gofynnwch i'r plant:

• Beth ydych chi wedi ei fwyta heddiw?
• Beth wnaethoch chi ei yfed heddiw?
• Beth arall ydych chi’n meddwl y byddwch chi yn ei fwyta a'i yfed heddiw?
• Pa fwyd a diod ydych chi'n ei hoffi?
• Ydyn ni i gyd yn hoffi'r un bwyd a diod?
• Beth mae eich teulu a'ch ffrindiau yn hoffi ei fwyta ac yfed

Rhoi cynnig arni

Dangoswch y cardiau lluniau bwyd i'r plant un ar y tro. Gofynnwch i'r plant enwi'r ddelwedd ac yna gofynnwch iddyn nhw ymateb gyda bodiau i fyny ar gyfer rydw i’n ei hoffi, mae bawd hanner ffordd ar gyfer ei fod yn iawn a bodiau i lawr ar gyfer dydw i ddim yn ei hoffi.  Gofynnwch i rai o'r plant esbonio eu rhesymau. Canolbwyntiwch yn helaethach ar pam mae plant yn mwynhau bwydydd gwahanol, yn hytrach na'u cas bethau. Pwysleisiwch bod gwahanol bobl yn hoffi gwahanol fwydydd a diodydd. Gofynnwch i'r plant siarad am rai o’r bwydydd a diodydd mae eu ffrindiau a'u teuluoedd yn hoffi. Efallai y byddwch am gael enghreifftiau o fwydydd i blant i’w trin.

Atgyfnerthu

Rhowch gopïau o Fy llyfr bwyd i'r plant, neu dim ond y drydedd dudalen o'r enw 'Rydw i'n hoffi'r bwyd yma', a chopïau o'r Torri a gludo bwydydd. Gofynnwch i'r plant ddewis tri bwyd maen nhw'n eu hoffi o'r delweddau a thorri a gludo’r rhain ar y dudalen. Neu, gallech roi detholiad o gylchgronau i'r plant sy'n cynnwys gwahanol fwydydd a gallent dorri a gludo’r rhain ar y dudalen neu ar ddalen fawr o bapur i greu arddangosfa.

Estyniad

Rhowch y dudalen 'Mae fy_______ yn hoffi___________' i'r plant o lyfr Fy llyfr bwyd. Gofynnwch iddyn nhw ddewis dau aelod o'r teulu neu ffrindiau a thynnu lluniau, neu dorri a gludo delweddau ar y dudalen hon i ddangos y mathau o fwydydd mae eu dau berson dewisol yn eu hoffi. Gallwch chi ysgrifennu'r enw a'r bwyd yn y mannau a ddarperir.

Pwysleisio bod gwahanol bobl yn aml yn hoffi bwyta bwydydd gwahanol.